فاس نيوز ميديا جريدة الكترونية جهوية تعنى بشؤون و أخبار جهة فاس مكناس – متجددة على مدار الساعة
من مراسلاتكم:
حياتهم بين طريبورتور والمشي على لأقدام والله غالب….
موضوع لي مخداش الحق ديالو إعلاميا…..
وفاة تلميدة حياة العمر ديالها 15 سنة ، بالضبط دوار كيفان بو يوسف جماعة ايت حرز الله إقليم الحاجب ، كانت راكبة في طريبورطور لي كيوصل التلاميد للمدرسة بالمقابل ودار كسيدة مع سيارة وتوفات حياة بعد إصطدامها بالمرآت ديال السيارة ، المشكل الخطييير في الموضوع فين هما هاذ البرلمانين والمنتخبون لي صوتوا عليهم ، كيف يعقل هاذ الوليدات غادين يضحيوا بي ريوسهم ويركبوا في هاذ الطريبورطور في غياب وسيلة نقل رسمية لهاذ الوليدات ، وحتى هذا الحادث تزامن مع زيارة وزير التربية والتعليم للجماعة المحلية ، إذا من يتحمل المسؤولية في هاذ الحادث ولصافي هاذ البنت غادين ندفنوها ويبكيو واليديها حتى يشبعوا ونساو الموضوع ، براكة علينا لي باغي يخدم مرحبا لي مباغيش يعطينا التيساع….
الله يرحمها ويصبر واليديها وإنا لله وإنا إليه راجعون
بقلم: الجغاوي عبد القادر.. دوار تينيزة جماعة ايت حرز الله اقليم الحاجب
