فاس نيوز ميديا جريدة الكترونية جهوية تعنى بشؤون و أخبار جهة فاس مكناس – متجددة على مدار الساعة
البارح الحركة عادية في سبيطار الحسن الثاني بمدينة فاس ، اتا المخزن سيفيل كيدخل للمستشفى و كيخرج أطباء ضاربين ليهم المينوط داوهم للجيور بعد معلومات من الديستي .
السبب هاد الاطباء نعامس كيديرو تحاليل كورونا PCR بثمن 900 درهم للمواطن ، المشكل ماشي هنا ، بل انهم شبكة كيجيو عندك تال الدار نعامس خارج أوقات العمل و يديرو ليك التحاليل فدارك معزز مكرم ماتشد صف ماتوقف فشمس.
و المشكل ماشي هنا ، بل انهم كيقيدو فالوراق ان هاد التحاليل روتينية لمرضى كوفيد دارت فالسبيطار و الزبون كيتحسب ناعس فالسبيطار في جناح كوفيد و كتسيفط المختبر و ترجع النتجية و يعطيها ليك يعني تحليلة فابور على حساب الدولة.
و هاد اللعاقة كاملة كيضبروها للجيب نعامس على ظهر السبيطار و مزال التحقيق متواصل ممكن يطيح ناس أخرين.
