Breaking News

حميد الأبيض لعمدة فاس: وا سي العمدة واش نْتَا بصح تسببت فجرائم إلكترونية

فاس – نشر حميد الأبيض، أمس الأربعاء، عبر حسابه بموقع التواصل الإجتماعي ‘فيسبوك’، منشور يُسائل فيه رئيس مجلس جماعة فاس حول صحّة اشتباه تورطه في التسبب في جرائم إلكترونية.

إليكم نص المنشور بدون تصرف من الجريدة:

وا السي العمدة واش د بصح انت تسببت فجرائم إلكترونية خطيرة؟؟!!!

ألو سي العمدة، واش كتسمعني؟
واش هد الشي للي ناشر هد الموقع المحلي، صحيح أو لا؟
قالك انت تسببت فجرائم إلكترونية خطيرة بفاس، وبللي كاين شكوك حول علاقتك بواحد الموقع مولاه فالخارج، هد الموقع ومولاه منوضين الروينة هد ليام.
أسي العمدة المواطن الفاسي من حقو يعرف واش هد الشي صحيح أو غير كذوب، وفكلتا الحالتين خصك توضح لنا باش ما تبقاش مقلوبة علينا القفة. يلا كان صحيح خصك تتحاسب على هد الجرائم، ويلا كان كذوب خص لي كتبها يتربى، حيث الصحافة ماشي آلية باش نصفيو حساباتنا.

آه نسيت، أجي بعدا واش كتعرفو هد الجمعية ديال الخبراء؟
أنا بعد لي كنعرف ومعرفتي ربما تكون ناقصة، أن مول الموقع هو مول الجمعية، يعني يستجوب نفسه ويوزع الاتهامات بالإرهاب الإلكتروني وغيره. وهنا ما كندافعش على ديك الموقع لي فالخارج ومرون الداخل. كل نعجة كتعلق من كراوعها. لي كيهمني هو هد الصحافة وكيفاش ولات، كتشير علنا بالاتهامات، كتاكل البارد بلسان شي جمعية لي كنعرف فيها هو واحد تشكيلة المكتب ديال هدي 11 عام، فيها الرئيس *تم حذف عبارات تضمنت سب و قدف و نشر ادعاءات كاذبة هنا، يعاقب عليها القانون *** . اللهم لا حسد. الله يزيدهم من الكفاءة والنعم.


الو سي العمدة، ياك ما زال كتسمعني؟
خلينا من الجمعية وشكون فيها وواش قانونية أو لا، للي كيهمنا واش لي كتب الموقع صحيح أو لا؟، وأنا بغيت نعرف كما من حق كل فاسي يعرف، حيث ياك انت العمدة ديالنا.
ألو ما زال كتسمعني؟
…. طيط طيط تقطع الخط…..

https://m.facebook.com/story.php?story_fbid=pfbid0ac7gYV6Ujg4b4hr1ENRwLHmtnSRL93vXk4kgwyZHTPT2jWXYdkbzPW3xhHJ583bql&id=100012784967576

المصدر : منشور بصفحة الفيسبوك للصحافي حميد الأبيض.

ملاحظة : المعطيات الواردة بخصوص جمعية خبراء الحاسوب غير صحيحة

عن موقع : فاس نيوز ميديا