فاس نيوز ميديا جريدة الكترونية جهوية تعنى بشؤون و أخبار جهة فاس مكناس – متجددة على مدار الساعة
السلام عليكم.عافاكوم بغيتكم تعاونوني بالبارطاج.
أنا سميتي محمد أحجوض كنت طالب جامعي خديت إجازة فالتاريخ من كلية الآداب والعلوم الإنسانية سايس فاس دفعت هاد العام للتعليم ماجابش الله.ونظرا للحالة المادية الضعيفة للعائلة بقيت هنا فاس نفس البلاصة / طريق 320 زنقة الفيوم حي الزهور / اللي كنت كاري فيها من أول عام تسجلت فالكلية كنت كنحضر في دورات تكوينية اللي كيقوم بها بعض المؤطرين التربويين بمدينة فاس تسالاو الدورات ونظرا للحالة الإجتماعية العائلية الضعيفة التجأت إلى إحدى شركات البناء المجاورة مع الحي الذي أكتري فيه بيت وكوزينة بش نخدم باش نعاون نفسي شوية بقوة المصاريف وانعدام المدخول. نهار الثلاثاء 27 فبراير 2018 خرجت مع 7:00 من الدار متجها نحو العمل ومع الساعة 12:40 زوالا اتصل بيا أحد أصدقائي اللي كاريين معايا بعد عودته من البلاد من مدينة بولمان قالي أودي فيراك قلت لو راني فالخدمة اه قالي باب البرى تسدات معنديش الساروت مهم بقى كيدق حتى حلو واحد السيد ادخل فالاول فش باغي يحل باب الدار ألقى الخامية على برى والقفل الباب مع حديدات تعوجو اللي كيدخل فيهم القفل تعوجو شوية دخل الدار لم تثير أي مسألة شك في ذهنه لقى محافظ فوق السداري محلولين والدار عادية ممروناش بش يدخل ليه الشك بزاف حيث هو وجوج دراري اللي كاريين معانا من البلاد غادرو فاس ملي دوزو امتحانات الدورة العادية بكلية الاداب سايس يعني على ما يزيد شهر وأكثر كانو فالبلاد. مهم فش رجعت من الخدمة للدار لكريت فيها مع هاد طلبة صحابي من الدوار سلمت على صاحبي وبقينا شوية كنتعاودو وعمرت كما العادة براد أتاي دك الساعة بغيت نجبد البيسي نشعلو هذه هي العادة ديالي اتجهت البلاصة اللي كنحط فيها محفظة كبيرة فيها بيسي وجميع الوثائق الضرورية والأساسية مهم بقيت نقلب سولت صاحبي قلت لو محفظة كبيرة مبانتش لك دك الساعة قالي لقيت الشكارات الصغار ديالك وديال واحد صاحبنا فوق السداري وقالي شوف القفل ديال الباب كداير قلت لو اشنو خرجت الباب لقيت حديدات تعوجو ممعيقينش مهم منين اتسلات القفل صافي رجعت قلت لو كولشي مشى طحت فالأرض دخت وقلبت عاود مالقيت والو عيطت على مول الدار اشنو كاين دخلتو الدار لقيت المحفظة ديالي مشات فيها الشواهد ديالي كاملين (الباك+الدوك+الإجازة+600 درهم، ومجموعة من شواهد دورات تكوينية لتكوين الأساتذة منها شهادة الكفاءة المهنية وشهادة التكوين البيداغوجي …….) والحاسوب ديالي حتى هو مشى والطابليط ديال الصديق ديالي أيوبي أغماري. ومشالي واحد الطابع أحمر اللون فيه سميتي (محمد أحجوض) ديال الجمعية لسميتها جمعية أسوريف للثقافة والتنمية القروية ومشاولي بزاف ديال التقارير والوثائق ديال الجمعية حيت أنا هو الكاتب ديالها. ومجموعة من الوثائق الشخصية الخاصة. ديكلاريت للشرطة في ذلك الوقت وأملي في الله وفي الشرطة لعل وعسى أن أخرج من هذه المحنة معندي حتى شي شهية لا النعاس ولا ولا ديما عينيا اتسدو على الشواهد ويتفتحو في بعض اللحظات في الليل وقبل الفجر أحيانا تدمع عيناي وأحيانا أحيانا وأملي فيكم أصدقائي أحبابي باش تنشروا هادشي ضرني فخاطري بزاف بزاف لعل أن المجرم يرد ليا غير الشواهد الاجازة والدوگ والبكالوريا ربما يرميهم فشي قنت هنا فاس ويلقاه أي مواطن ولا لعندو شي معلومات على هذه الكارثة ها الرقم ديالي والله إرحم ليكم الوالدين.
0658844690
