من حكايات مول الجيلي أصفر بالجهة.. “قطع لي روايض الموتور مشى يقتلني”

انشأ مواطنون بجهة فاس مكناس مجموعة على موقع التواصل الإجتماعي بتيمة مقاطعة حراس السيارات العشوائيين بالشوارع العامة، يتبادلون فيها وجهات نظرهم وبعض ما وقع لهم خلال احتكاك أصحاب الجيلي الأصفر بهم المباشر.

ومما كتب أحد المتضررين من جهة فاس مكناس، ما يلي نورده بدون تصرف:

(السلام عليكم،
احنا الحمدالله لعساس ديال الباركينغ عندنا ضريف(باركينغ بالاسم بدون رخصة)، اللي عطيتيه تيقول الله يخلف، المشكل اللي عندو هو تيوقف عليك وتيقولك سلفني 500 درهم، سلفني 1000 درهم، عمتي ماتت خصني ندفنها، خالتي كبرت خاصني نختنها، ولدي معوق، دار لجنازة لجدو شي ربعة دلمرات،.. وبطبيعة الحال داكشي كلو كذوب، ويلا عطيتيه شي درهم عمرك تحلم يرجع ليك وبالتجربة..
الزبائن تشكاو بزااااف، تكلمت معاه بكل أدب، “عفاك ميك على الناس شوية، راهوم تيتشكاو..” فقط لاغير، ماجوبنيش..
من بعد يومين، وعلى بعد 120 كلمتر من مدينة فاس حيث أشتغل، بغيت نقاد الروايض د الموطور، كنتفاجأ بضرابي بآلة حادة فجنب الرويضة، علما أن الموطور تيسطاسيوني فقلب المنزل أو بمكان العمل لا غير، وراقبت الروايض فبداية الأسبوع ماكان فيهوم والو.

للإشارة الدراجة من النوع الكبير، يعني يلا لاقدر الله، وكانت تفجرات الرويضة، كان الله يرحمني، وفبعض الأحيان كنركب مع أحد أبنائي أو زوجتي.
فاش واجهنا الحارس (تسجيل كاميرا) سافط مو وختو وعائلتو… يرغبو…)