بغينا حقنا فالطريق/ حنا ساكنة حي ليراك بفاس كنعانيو بزاف من احتلال الملك العام وكنترجاوكوم ونستعطفوكم تنشرو هادشي عندكوم (صور)

من مراسلاتكم بالعربي الدارج مع بعض التصرف:

(حنا ساكنة حي ليراك بفاس كنعانيو بزاف من احتلال الملك العام وكنترجاوكوم ونستعطفوكم تنشرو هادشي عندكوم المحلات التجارية مخرجين سلعتهوم بزاف وزيد الطامة الكبرى حت السكان اللي ساكنين بجنب الطريق دايرين الحديد وسادين الطرطوار بزاف على هادشي والسلطات كيشوفو هادشي والو والو مقاطعة سايس والملحقة الادارية المرابطين في خبر كان باك صاحبي..

نتمناو تنشروها وتبينو لمصداقية دصحافة النزيهة

والساكنة كتشوف فيكوم الخلاص من هاد الضاهرة وكيما قلتالسلطات تتغاضي على هاد المناضر ظيال احتلال الملك العام هاد الصور ديال منازل فحي ليراك دايرين كرياج سادين اطريطوار والناس كامشي فالطريق مع السيارات,, عيب وعار راه ليراك كاملة هاكا ماشي غير محل واحد..

انا رسل هاد الصور لعدة منابر اعلامية حيت بصارحة بزاف هادشي ونزيدك عون سلطة حتا هوا داير نفس الشئ تاهوا محتل الطرطوار..

وشكرا جزيلا وتحياتي لكم انتم صوتنا لمقاطعة سايس والملحقة الادارية المرابطين..

شكرا نتمنا تنشرو هاد الشي)