من مراسلاتكم .. حملة للتبرع بالدم بفاس و الإقبال فاق كل التوقعات (لن ينهض بالمدينة الا أبناؤها الطيبون)+صور

من مراسلاتكم .. حملة للتبرع بالدم بفاس و الإقبال فاق كل التوقعات :

(• الحاجة لي كتفرّح بزاف هي ملي كتكون كتتمنى يوصل العدد ل 100 شخص و كتلقى بأن العدد فات التوقعات
و هذا فنفس الوقت تحدي لكروبات آخرين بمدينة فاس باش يحطموا الرقم لي وصلنا ليه لي هو 130 عضو (غير لي تسجلوا فاللائحة دون احتساب الناس لي جاو معطلين ولقاونا حبسنا التسجيل)

• رسالة لجميع الكروبات ديال فاس، المدينة تعاني من نقص حاد من المخزون ديال الدم كما جاء على لسان المسؤولين فمركز تحاقن الدم، . . الحمد لله حنا أدينا الواجب و حيدنا المسؤولية علينا لأنه حرام و حشومة يجي شي واحد للمركز باش ياخذ الدم لأحد المرضى و يقولوا ليه مكاينش الدم و حنا الحمد لله ربي ارزقنا الصحة و منمشيوش نتبرعوا لإنقاذ أرواح بريئة، . . بغينا نزرعوا ثقافة التبرع بالدم لدى ساكنة مدينة فاس

• الحمد لله لقينا تسهيلات و ترحيب و حسن الإستقبال و التعامل من جميع الأطر بمركز تحاقن الدم، نقدم لهم الشكر من هذا المنبر نيابة عن جميع أعضاء المجموعة

• مجموعة العظماء اليوم و من خلال عملها الخيري التاسع تحطم الرقم القياسي من حيث عدد الحضور خلال حملة التبرع بالدم التي جرت صباح هذا اليوم السبت، في إنتظار تحطيم الرقم من طرف مجموعة أخرى، ولنا عودة بعد ثلاثة أشهر لتأدية الواجب مرة أخرى، . . شكرا لكم ♡

#العظماء
#حملة_التبرع_بالدم
#العمل_الخيري_التاسع )