وفاة شاب مغربي ‘عبد الفتاح بشري’ من الناظور في حادثة سير غامضة بمدريد والأسرة تطالب بفتح تحقيق

ننشر المادة المرفقة أدناه بطلب من أسرة المرحوم..

فجع حي اشوماي بالناظور كما فجعت بالدرجة الاولى اسرة الشاب عبد الفتاح بشري ذو 18 من عمره و الذي تم اعلان وفاته يوم 17 ماي الجاري بمدريد .
اسرة الفقيد لم تتوصل بأي معلومات كافية بخصوص حادثة وفاته و التي وصفتها بالغامضة بسبب عدم تقديم السلطات الاسبانية بمدريد اي معلومات كافية تشفي غليل الاسرة المكلومة التي بعدما استبشرت خيرا بوصول فلذة كبدها الى اسبانيا بعد ان عانى طويلا في مدينة مليلية حين دخلها قاصرا يحلم بتسوية وضعيته القانونية لإعالة اسرته ..اسرته اليوم التي تعاني الامرين غربة السنوات بمليلية و اغلاق الحدود و اليوم وفاة غامضة و لا معلومات واضحة للوصول للحقيقة الكاملة لمجريات وفاته في اليوم الذي كان من المقرر ان يزور فيه جمعية اخرى بمدريد.حيث قيل ان سائق السيارة هرب من مسرح الحادثة و السلطات الاسبانية هناك تتهرب من مد اسرته بالتفاصيل الكاملة.
و لهذا تناشد اسرة الفقيد كل من له اي معلومات عن حيثيات مقتله بمدريد و كذا المسؤولين المغاربة داخل و خارج الوطن مساعدتها في اقرب وقت ممكن للوقوف على حقيقة فقدان ابنها في عز شبابه في ظروف تكاد تكون غامضة.
و اشارت اخت الفقيد أن هناك تحركات لفعاليات جمعوية بمليلية لتكليف محامي لتتبع القضية و من المرجح تدخل السفارة المغربية في الموضوع.وبناءا و ما سبق تشكر اسرة الفقيد كل من وقف معها في هذه المحنة من بعيد او قريب .
*وهذه قصة الشاب رحمه الله و اسكنه فسيح جناته كما جأت على لسان أخته المكلومة:

عبدالفتاح بشري مزداد بالناظور في تاريخ 2003 /12 ساكن بحي اشوماي الناظور حاليا باسبانيا مدريد

مشا لمليلية ادخل لسينطرو قبل كورونا كان الحلم ديالو اكون مستقبلوا كان فالمغرب كيقرا مزيان
ديما كيجي هو لول اعزيز على ناس كاااملين منين وصل لسن المراهقة ولا كيفكر غير فالغربة كيقول ماما ديريلي باسبور نمشي ندير مستقبلي حيت هنا معنديش مستقبل واش بغيتيني نبقا هنا نطلع لافاك انبقا نقولك عطيني باش نركب واش انا بغيتيني نشد ديبلومات امنخدم عندك لملاين باش توسطي ولا عندنا شي معرفة كان ديما هاز الهم أهو لي عندنا ماما مخلاتوش حتى لواحد نهار جا عندها قالها عطيوني موافقة ندير باسبور ولا نمشي نحرك فلبحر ماما خافت عليه عندها غير عوينة وحدة قاتلو اولدي بشرط معجبكش الحال راه داك سينطرو فيه غير الحكارة افيه لي عمرك شفتيه رجع
هي كانت كتقول ندير خاطرو مغيعجبوش لحال ايرجع لدار حيت وخا مفحالناش كنا كنهلاو فيه ابابا اماما كيحيدوا منهم ايلبسوه كان كيلعب فوكونتا عندو ميداليات كان دري طموح امتوفق .وخا دخل خويا كان كيتواصل معانا ابابا اماما كانو كيدخلوا اشوفوه حتى جا خبر سد الحدود ابقا تما بوحدو سرقولو تلفون تقطع خبارو مرة مرة صحابوا كيدوزوه لينا ديما كيقول الحمد لله راني بخير تهلاو غير فراسكم حتى وصلنا خبار ولا كينعس فزنقة كان مخبي علينا عانا بزاف نعس فزنقة خويا تكرفس حتى هضرنا مع جمعية فمليلية ساعداتو خدا وراقيه مشا الاسبانيا مدريد افرح بزاااف اشرا تلفون ولا كيتواصل معانا مشا لواحد الخيرية بقا تما كيمشي ابوقر فجوطية ايطلع انعس سرقولو تما تلفون الفلوس لي جمع وخا هكاك صونا لماما قالها متشطنوش عليا
راه تسرقني ولكن غنجمع انشري واحد اخر اخرج من داك سينطروا ما ولا كينعس فواحد سيارة دازت 15 يوم صونا لينا واحد سيد سميتو هشام من الحسيمة قال لينا راه باعلي واحد دري هاد تلفون القيت فيه هاد واتساب اهاد المساجات ابقا فيه خويا تلاقا معاه اردلو تلفونو اولا خويا كيدوش عندو اكيكال عندو اعطاه الكسوة جزاه الله خويا كان عزيز على ناس كان كيقول ماما شوفي غنخدم غنبقا نسيفطلك لفلوس خبيلي اهزو منهم فلوس لكرا المصروف راني توحشتهم اتهلاي فصحتك ماما ولا ديما كتسونيلو او يله مأخرا كان فرحان ديك الجمعية جاو عندو القاولو جمعية اخرة مشا ليها اشاف واحد المحامية قاتلو غنجدد ليك وراقيك أعطاتو تكوين نهار تلاتا 17 مع صباح كان فرحااان اكيتسنا داك نهار بفارغ صبر قداك صباح ديال داك نهار مصوناش ماما كتصونيلو كيصحابلها داز عليه نعاس حتى صونا لينا دك سيد الاسم ديالو اسير لي فجمعية لي فمليلية قال لينا ان خوكم توفى بحاذتة سير احتى الجمعية لي كان غيمشي ادير فيها تكوين قالو ها لينا ولكن مشافي حتى واحد امعطاونا عليه حتى شي خبار احتى صاحبوا سليمان لتعرف عليه فمدريد قال لينا كان معايا بليل حتى 11 اطلع انعس فبلاصتو دبا هنا بغينا نغرفو كفاش مات او نشوفوه اتأكد بلي هو اشكون دربوا.