زكرياء مومني.. عطوني الريع ولا ندير يوتيوب وما نسكتش من الفريع!



بزاف ديال النصابة مع كيتفضحو كيغبرو وكيمشيو يقلبو ليهم على شي حرفة أخرى يديروها، إلا زكرياء مومني، واخا تحطات الحقيقة ديالو قدام الناس كاملين مازال مقصح وجهو وباقي عندو الكمارة باش يدوي قدام الناس في اليوتيوب…
….
واش عمركم وسولتو شنو باغي زكرياء مومني؟! وشنو وصلو لهاد الحالة؟!
زكرياء كان ربح لقب ديال الهواة في رياضة لايت كونتاكط سنة 1999، ومن تما وهو لاصق الجامعة الملكية المغربية للفول، السومي، اللايت كونتاكت، الكيك بوكسينغ، المواي طاي، الكايوان، الفورمز، الصفات والرياضات المماثلة، باش تعطيه منصب مستشار في الجامعة، واخا هاد اللقب اللي عندو لا يخول له ذلك، ولكن السيد وجهو قاصح، قاليهم والو غير شوفو كيف ديرو!

بعد فشل زكرياء فهادشي رجع السيد كيقلب يتلاقى مع الملك، ورجع كيتسناه فطريق القصر، حتى تلاقاه وطلب منو گريمة ليه وللأب ديالو…
….

وواخا شد الكريمة زكريا مازال طامع، بل هاد اللقاء خلاه يسحاب راسو فوق القانون… رجع بغى ينصب على الناس بكذبة يخرجهم للبرا، وفاش تشد خرج قصة ديال خيالية ديال التعذيب على إثرها رجع كيبتز الدولة المغربية وقاليهم عطوني 5 ملايير باش ندير لاصال في باريس (فرنسا)…. وفاش ما وافقوش ليه على الامتيازات التي لا يستحقها، رجع السيد بغى يقاضي الدولة المغربية گاع….
….
دابا من 2012 و زكرياء مومني كيعاود نفس الأسطوانة، وواخا حطو ليه جميع الأدلة اللي كتفضحو السيد مازال زايد فيه، وكيسحاب المغاربة اللي متابعينو كياكلو التبن، بالرغم من أنه سؤال بسيط ممكن يتوجه لزكريا… كيفاش انت كنتي بطل كبير كيف كتدعي ولا فرنسا اللي كنتي عايش فيها ولا كندا اللي عايش فيها دابا، ما دخلوك عندهم يستفدو من الخبرة ديال “بطل كبير بحالك”؟؟! وكيفاش آ سي زكرياء ف6 نونبر 2016 فاش مشيتي تشارك في وقفة احتجاجية في باريس جراو عليك المتظاهرين وقالو ليك “سير انت باغي منصب ريعي، حنا أصلا باغيين نحاربو بحالك؟!”….


باختصار هذا هو زكرياء المومني، واللي رجع لا خدمة لا ردمة ومقابل غير اليوتيوب وفلوس الادسنس، وبحكم استهلك القصة ديالو وما بقى مثيقها حتى واحد، رجع معارض من ورق… كيف كان بطل من ورق أيضا!